Isabel A: Maysa a Panagpakada
Mighty C. Rasing
Lumasatak iti Karayan ti Magat
Bumallasiwak kadagiti banbantay ti Cordillera
Umadayoak kenca, Umadayoak kenca.
Pakawanennak Isabel A agpakadaakon
Pumanawak ken umadayo kenca
Nadagsen ti barukong, nasaem ti rikna.
Duata a nangbuangay kadagiti arapaapta,
Sirmata ken ayat ti nagtaudanda
Balonek dagitoy a sinanama.
Nalabit a saludsodem no apay
Nga umadayoak idinto a ti karik
Ket isayangkatta dagitoy a sirmata.
Diak mabaelan ti agtakder a maipaay kenca
No diak umadayo ita. Sapulek ti bagik
Sapulek ti biag a maikari kenca.
No agtalinaedak iti sidongmo, awan
Met laeng ti maipaay ko kenca. Awan met laeng
Ti pagturongan dagiti arapaap ta ken sirmata.
Amin a banag nga innak sapulen, amin
A personalidad a pagbalinak, agraman ti amin
Kaniak, ipaayko kenca. Agsubliakto iti sibay mo.
Iti isasangbay ti lugan a mangyadayo
Kaniak iti taengmo, diak ammo
No ania ti agur-uray a masakbayak.
Nupay kasta, dagiti saksaksak aglumbada
A mangsabat iti aniaman a masangoanak
Agsipud ta sika ti pangyegak amin a mabalinak.
Tallo a gasut a kilometro, dua a gunglo
Dagiti turod ken bantay ti agbalin a baet ta
Ngem diakto pulos a manglipat kenca.
Subscribe to:
Post Comments (Atom)
aa, itiram latta mighty. i read your blog. we read your blog.
happy new year.
agyamanak manong Ariel. Iti daytoy a tawen ket gagetak pay ti agsurat.
Hey, I was browsing through some sites and came across here. I have been wanting to write Ilocano poetry, but I think I really have to read SO many and really speak it everyday...
This was posted years ago and your last post was August last year... I like how you spliced the name. evidently "a"/"nga" as preposition/article (? - hindi ko rin talaga alam, ahehehe) althroughout the poem... you were carefree but obviously aware of rhyme scheme,this can be reinterpreted into a song. :)
Natuwa lang ako. :)